Vevringutstillinga er både lita og vekkgøymd, sær og sjarmerande – men samstundes internasjonal, prisvinnande og kjend for sin høge kunstnariske kvalitet. Kvar haust opnar bygdefolket i Vevring heimar og hjarter for denne heilt særeigne utstillinga, som ein gong vart omtala som ei av Noregs viktigaste.

Årets deltakarar

Cato Løland, kjend for sin nyskapande tekstilkunst der han utforskar skulpturelle moglegheiter med tekstilar og ukonvensjonelle material, gjerne med fokus på materialtransformasjon og kritikk av forbrukarkultur. Mange av smykka til smykkekunstner Anna Talbot syner teatralske scener, ornamentelt med blomsteroppsatsar og tablå, og ho behandlar alle slags typar av material med lik verdi. Skulptør og keramikar Anne Thomassen dveler mest ved møtet mellom natur og menneske. Håkon Holm-Olsen arbeider primært med funne materiale som blir bearbeida og brukt i sammenheng med tegning, collage, animasjon, skulptur og installasjon. Teknisk presisjon og tydelig formbevissthet står sentralt i glaskunstnar Julie Shirani Kausland sine arbeid, som inviterer både til bruk og betraktning. Den allsidige kunstmålaren Sigrid Bjørkedal er oppteken av det regenerative. Glaskunstnar Silja Skoglund har utvikla ein lidskap for skulpturelt glas, men jobbar óg med glas i seriar, utsmykninger og unika-design. Benedict Beldam synnleggjer den kvenske saunatradisjonen i sitt lydinstallasjon-prosjekt. Kunstkino får du òg med deg i Vevring, der Beate Petersen presenterer daglege visningar med filmar som snakkar til både tanke og kjensle. Duoen Kvae & Bark, beståande av Karoline Sætre og Øyvind Novak Jenssen, arbeider i skjæringsfeltet mellom samtidskunst og matopplevelsar, med fokus på sanking og bruk av lokale råvarer. Vi byr på ei uvanleg oppleving gjennom eteriske, svevande, ja – nærast overjordiske musikalske tonar frå eit mystisk instrument som ikkje vil bli tatt på – presentert, og meisterleg framført, av handball-legenda Cecilie Leganger. Og, i år vert publikum både medvandrar og vitne når Vandreteateret, eit nomadisk kunstnarkollektiv beståande av Sebastian Warholm, Eirik Vildgren, Mikkel Gundelach, Sindre Hansen og Jacob Jensen, kjempar tappert i krigen mot kulturmarxistane.

Vevring byr på ei helg der kunsten flyttar inn i landskapet, og landskapet blir ein del av kunsten.

Velkomen 19. - 21. september.